Jezusi shprehu dashuri për të tjerët. Dërgoju një mesazh me temën “3 gjërat më të mira që më pëlqejnë shumë tek ti” të paktën tre njerëzve. Pastaj etiketoji në mediat shoqërore dhe ftoji të bëjnë të njëjtën gjë.

Cili burrë apo grua e mençur e ka bekuar jetën tënde? Tregoje dashurinë dhe vlerësimin tënd.

Lindja e Jezusit është një dhuratë dashurie për të gjithë ne. Mblidhu me miq ose familjen për të parë materialin filmik “Krishti Fëmijë” ose shpërndaje hallkën lidhëse në internet.

Jezusi na mësoi përkufizimin e vërtetë të dashurisë për të afërmin. Bashkëbisedo me një fqinj/e që nuk e njeh mirë.

Mos konsumo një ose dy vakte dhe dhuroja koston e atyre vakteve të pangrëna një organizate bamirëse që ushqen njerëzit në nevojë. Mëso më shumë me misionarët për bekimet e agjërimit në faqen ndricojeboten.org

Gjej një fotografi të një kujtimi të veçantë Krishtlindjeje që ke pasur me një shok/shoqe ose pjesëtar/e të familjes. Tregoja atë njeriut tënd të dashur bashkë me një mesazh se përse është i/e rëndësishëm/me për ty.

Shpreh dashuri për dikë që u kujdes për ty ose për një pjesëtar të familjes gjatë këtij viti.

Jezusi i deshi njerëzit aq sa t’u kushtonte vëmendjen e Tij të plotë. Sot, zotohu që të mos merresh me telefonin kurdoherë që dikush të flet.

Nderoji ata që erdhën para teje. Gjej pak kohë sot për të mësuar për një paraardhës/e. Telefonoji një gjyshi/eje ose provo një mjet për historinë familjare si FamilySearch.org dhe tregojua të afërmve atë që gjete.

Jezusi pati një mënyrë mahnitëse për t’i bërë të tjerët të ndiheshin të përfshirë. Gjej një koncert, shfaqje ose ngjarje tjetër për Krishtlindje në zonën tënde dhe ftoje dikë që të marrë pjesë bashkë me ty.

Jezusi u lidh me njerëz të tjerë gjatë vakteve ushqimore të përbashkëta. Mëso se si të përgatitësh një recetë tradicionale Krishtlindjesh nga një pjesë e veçantë e botës. Pastaj shpërndaje atë te miqtë ose familjarët.

Shpërndaje gëzimin nga lindja e Krishtit. Ftoje një mik ose pjesëtar të familjes që të ndjekë një shërbim adhurimi për Krishtlindje bashkë me ty të dielën tjetër, më 19 dhjetor.

Kur lutemi me dashuri, periudha e Krishtlindjes bëhet më e shndritshme. Sot, gjunjëzohu dhe bëji një lutje Perëndisë. Vëre si synim të lutesh çdo mëngjes këtë javë. A ke nevojë për pak ndihmë për ta filluar? Mund të mësosh më shumë rreth mënyrës se si të lutesh këtu.

Jezusi ndihmoi njerëzit rreth e rrotull Tij. Përshëndete sot dikë që nuk e ke përshëndetur më parë.

Përkushtoja yllin në pemën tënde dikujt që ishte një dritë në jetën tënde këtë vit. Bëj një fotografi dhe publikoje atë në mediat shoqërore së bashku me një mesazh për mënyrën se si ai person ka ndikuar tek ti.

Ashtu si Jezusi, ti mund t’i ushqesh të uriturit. Çoji ushqim dikujt që mund ta përdorë ose krijo një paketë dhurimi për një bankë vendore ushqimesh. Rekruto një shok/shoqe për të të ndihmuar.

Kush ka qenë një bari për ty, duke të udhëhequr me dashuri gjatë jetës? Nxirre në pah atë në mënyrë private ose publike.

Jezusi dhe ndjekësit e Tij morën forcë kur kënduan himne së bashku. Përjetoje fuqinë e muzikës së shenjtë – qoftë duke kënduar me njerëzit e dashur, duke kënduar këngë Krishtlindjeje për fqinjët ose duke shpërndarë në rrjetin tënd shoqëror një shfaqje të himnit tënd të parapëlqyer.

Kujtoja vetes arsyen e vërtetë të kësaj periudhe duke lexuar disa fragmente për historinë e Krishtlindjes nga Lluka 2 në Bibël. Vizito ndricojeboten.org për të dëgjuar një mesazh Krishtlindjeje nga misionarët tanë.

Këtë Krishtlindje, rrethohu me njerëzit e tu të dashur. Fto sa më shumë pjesëtarë të familjes që të mundesh për t’u mbledhur së bashku për një takim virtual.

Ashtu si Jezusi, ti mund të japësh mësim nëpërmjet historive. Trego në rrjetin tënd shoqëror një histori frymëzuese nga jeta jote që mund ta ndihmojë dikë.

Ti mund të shprehësh mirënjohje siç bëri Jezusi. Reflekto për dhuratat që të ka dhënë Perëndia, dhe shkruaji ato. Tregojua të tjerëve mirënjohjen tënde.

Ktheje një veprim të mirë në dy. Bëj dy pjata me gostitje. Jepja njërën një shoku/shoqeje; tjetrën jepja dikujt që të sugjeron shoku/shoqja.

Ji si Jezusi dhe shprehe dashurinë për prindërit e tu (ose një figurë prindërore në jetën tënde). Merri në telefon, vizitoji ata ose publiko për ta në median shoqërore.

Shpërnda një shkrim të shenjtë që mendon se e tregon arsyen e periudhës së Krishtlindjes. A ke nevojë për disa sugjerime? Shihi këto vargje nga Bibla: Gjoni 3:16; Veprat e Apostujve 4:10–12.

Vazhdo ta shpërndash dashurinë për Jezu Krishtin. Shndërroje sfidën për pjesëmarrje në nismën #NdriçojeBotën për çdo ditë në një synim për Vitin e Ri. Mos u druaj që ta shpërndash synimin tënd në rrjetin tënd shoqëror.