Misionarët janë vullnetarë që kanë lënë pas jetën e tyre të përditshme deri në dy vjet për të ndihmuar të tjerët të afrohen më shumë me Jezu Krishtin. Përpara se të largoheshin për në mision, ata ishin studentë, punonjës, atletë, të dhënë pas librave, muzikantë dhe … epo, e krijuat një ide. Pas shërbimit të tyre, ata do të kthehen në shtëpi dhe do t’i rikthehen jetës normale.

Ata vijnë nga e gjithë bota. Nuk është diçka e pazakontë që misionarët të shërbejnë në një vend dhe të flasin një gjuhë tjetër nga gjuha e tyre. Misionarët shërbejnë si të rinj në moshë madhore ose në vitet e tyre të daljes në pension, vetëm ose në çift. Cilado qoftë mosha e tyre, motivimi i tyre është i sinqertë – ata largohen nga shtëpitë dhe familjet e tyre për një periudhë kohe për të bërë atë që Jezusi u mësoi Apostujve të Tij: “Dilni në mbarë botën dhe i predikoni ungjillin çdo krijese” (Marku 16:15).

Jo, vizitat me misionarët janë falas për të gjithë. Jezu Krishti i fton të gjithë të vijnë tek Ai “pa para dhe pa paguar” (Isaia 55:1). Në fakt misionarët paguajnë për t’ju takuar, duke i mbuluar shpenzimet e veta për të ardhur në një mision. As udhëheqësit vendorë të Kishës dhe mësuesit e klasave nuk paguhen.

Oraret e shërbesave në kishë ndryshojnë nga një bashkësi në tjetrën. Sidoqoftë, ju gjithmonë mund të keni pritshmërinë për një shërbesë kryesore adhurimi për të gjithë, që pasohet nga orët mësimore për fëmijët, të rinjtë e të rejat dhe personat në moshë madhore.

Shërbesa për të gjithë quhet “mbledhja e sakramentit”. Kjo mbledhje përbëhet nga këngë, lutje dhe predikime (ose “biseda”) që bëhen nga anëtarë të ndryshëm të bashkësisë çdo javë. Por pjesa më e rëndësishme e mbledhjes është koha kur marrim bukën dhe ujin e sakramentit (që është i ngjashëm me kungatën) që të kujtojmë Shpëtimtarin.

Nëse do të doni të adhuroni me ne, misionarët mund t’iu përgjigjen pyetjeve tuaja, t’ju japin informacion rreth orarit dhe vendit të shërbesave tuaja vendore të adhurimit dhe më pas t’ju ruajnë një vend kur të jeni gati për ta bërë vizitën.

Anëtarët e Kishës së Jezu Krishtit të Shenjtorëve të Ditëve të Mëvonshme janë thjesht si gjithë njerëzit e tjerë. Ne përjetojmë ngritje dhe ulje, dhe gjithçka tjetër të ndërmjetme. Shenjtorët e ditëve të mëvonshme shquhen se janë njerëz të lumtur dhe paqësorë. Por kjo nuk do të thotë që nuk kemi sfida. Çdokush në jetë po lufton me vështirësitë, por kur bëjmë çmos ta jetojmë ungjillin e Jezu Krishtit, ne kemi më shumë forcë dhe paqe për t’ia dalë mbanë.

Për sa i përket stilit të jetesës, shenjtorët e ditëve të mëvonshme përpiqen të përqendrohen plotësisht te Jezu Krishti. Bindjet tona rreth Shpëtimtarit dhe mësimet e Tij ndikojnë në vendimet tona të përditshme për mënyrën se si flasim, vishemi dhe veprojmë. Për shembull, ne përpiqemi ta shmangim punën të dielave me qëllim që të mund të frekuentojmë kishën, t’u shërbejmë të tjerëve dhe të kalojmë kohë me familjen. Anëtarët besnikë të Kishës nuk pinë duhan apo alkool, as luajnë bixhoz.

Të gjitha aspektet e jetës suaj do të përmirësohen ndërsa përpiqeni të afroheni më shumë me Jezu Krishtin dhe t’i zbatoni urdhërimet e Tij. Ju do të keni më shumë paqe e gëzim, një marrëdhënie më të fortë me Perëndinë dhe një ndjesi më të madhe kuptimi në jetën tuaj. Misionarët mund t’ju ndihmojnë për shqetësime specifike, të tilla si: përballja me një humbje, forcimi i marrëdhënieve tuaja me familjarët tuaj, mposhtja e zakoneve të këqija, mësimi se si të luteni, mbajtja e ditës së Shabatit të shenjtë dhe të kuptuarit më mirë të shkrimeve të shenjta. Kur të takoheni me misionarët, thuajuni se çfarë shpresoni të fitoni prej vizitave tuaja, në mënyrë që ata të mund ta përshtatin mesazhin e tyre për të trajtuar nevojat tuaja.