Misionarët janë vullnetarë që kanë lënë pas jetën e tyre të përditshme deri në dy vjet për të ndihmuar të tjerët të afrohen më shumë me Jezu Krishtin. Përpara se të largoheshin për në mision, ata ishin studentë, punonjës, atletë, të dhënë pas librave, muzikantë dhe … epo, e krijuat një ide. Pas shërbimit të tyre, ata do të kthehen në shtëpi dhe do t’i rikthehen jetës normale.

Ata vijnë nga e gjithë bota. Nuk është diçka e pazakontë që misionarët të shërbejnë në një vend dhe të flasin një gjuhë tjetër nga gjuha e tyre. Misionarët shërbejnë si të rinj në moshë madhore ose në vitet e tyre të daljes në pension, vetëm ose në çift. Cilado qoftë mosha e tyre, motivimi i tyre është i sinqertë – ata largohen nga shtëpitë dhe familjet e tyre për një periudhë kohe për të bërë atë që Jezusi u mësoi Apostujve të Tij: “Dilni në mbarë botën dhe i predikoni ungjillin çdo krijese” (Marku 16:15).

Jo, vizitat me misionarët janë falas për të gjithë. Jezu Krishti i fton të gjithë të vijnë tek Ai “pa para dhe pa paguar” (Isaia 55:1). Në fakt misionarët paguajnë për t’ju takuar, duke i mbuluar shpenzimet e veta për të ardhur në një mision. As udhëheqësit vendorë të Kishës dhe mësuesit e klasave nuk paguhen.

Marrja e përgjigjeve nga Perëndia është një përvojë tepër personale. Si Ati juaj Qiellor, Ai e di mënyrën më të mirë se si t’ju japë udhërrëfim për jetën tuaj – dhe kjo mund të duket ndryshe nga mënyra se si Ai i flet dikujt tjetër. Nëse po hasni vështirësi për ta ndier se Ai po ju dëgjon, përpiquni të bëni durim. Kuptoni që Perëndia mund t’ju përgjigjet në shumë mënyra të ndryshme, përfshirë:

• Me fragmente të shkrimit të shenjtë.
• Me fjalët dhe veprimet mirëdashëse të të tjerëve.
• Me mendime dhe ndjenja pozitive nga Shpirti i Shenjtë.
• Duke i folur zemrës dhe mendjes suaj me një zë të qetë, të ulët.

Ndonjëherë duket sikur Perëndia nuk u përgjigjet në mënyrë të menjëhershme lutjeve ose se nuk u përgjigjet fare. A do të thotë kjo se Ai nuk merakoset apo se Ai nuk po dëgjon? Jo. Ndonjëherë, Perëndia vonon t’u përgjigjet lutjeve tona pasi na mirëbeson që do marrim vendimin e duhur. Herë të tjera, Perëndia na kërkon që të presim me durim për një përgjigje në mënyrë që të mund të ndërtojmë besimin dhe mirëbesimin tonë tek Ai. Dhe në disa raste, Perëndia na jep përgjigje, por ato mund të mos jenë ajo që kishim shpresuar. Pavarësisht nga përgjigjja, gjeni ngushëllim në faktin që Perëndia mban përherë vesh kur ju luteni dhe Ai do t’ju japë udhërrëfimin e duhur në kohën e duhur.

Kur i drejtoheni Perëndisë, nuk ka një lutje specifike të cilën duhet ta thoni përmendsh për ndihmë. Në Bibël thuhet: “Dhe gjithçka të kërkoni në lutje, duke patur besim, do të merrni” (Mateu 21:22). Lutja mund të jetë një bashkëbisedim i hapur rreth çfarëdo gjëje për të cilën dëshironi të flisni. Perëndia është Ati juaj i dashur Qiellor dhe dëshiron që ju të flisni nga zemra. Tregojini Atij për sfidat tuaja unike dhe Ai do t’ju japë forcën që po kërkoni.