Light the World Banner

Kremtojeni Lindjen e Jezu Krishtit me Ne Këtë Krishtlindje

Në Krishtlindje, ne kremtojmë lindjen e Jezu Krishtit dhe gjithë rëndësinë që ka Ai për ne si Shpëtimtari ynë. Ai është burimi ynë i gëzimit të vërtetë këtu në tokë dhe Shëlbuesi që na e bën të mundur të jetojmë me Perëndinë dhe njerëzit tanë të dashur në përjetësi. Bashkohuni me ne për të krijuar një periudhë më kuptimplotë të Krishtlindjes, ndërsa e nderojmë lindjen e Jezu Krishtit, duke ndjekur së bashku shembullin e Tij të dashurisë dhe dashamirësisë.

Ide për Kremtimin e Krishtlindjes

Merrni Frymëzim nga Takimi Shpirtëror i Krishtlindjes
Lidhuni në internet në orën 18:00 MST, më 7 dhjetor 2025, për mesazhe frymëzuese nga udhëheqësit e Kishës në lidhje me lindjen e Jezu Krishtit. Muzika do të paraqitet nga The Tabernacle Choir at Temple Square.
Silleni Shpirtin e Festës me Anë të Muzikës së Krishtlindjes
Shijojini këto këngë gëzimprurëse të Krishtlindjes, që kremtojnë lindjen e Jezu Krishtit nga artistë të ndryshëm, duke përfshirë The Tabernacle Choir at Temple Square.
Njihuni më Mirë me Historinë e Krishtlindjes
Mësoni nëpërmjet shkrimeve të shenjta, bisedave nga udhëheqësit e Kishës, pyetjeve për përsiatje dhe veprimtarive për fëmijët, në këtë mësim të veçantë për Krishtlindjen nga manuali “Eja, Më Ndiq”, për studim në kishë dhe në shtëpi.
Risilleni Historinë e Lindjes së Krishtit
Krijoni një moment argëtues mësimor për të gjithë familjen, duke e përdorur këtë skenar për të dramatizuar së bashku historinë e lindjes së Krishtit, ose përdoreni atë për të organizuar një shfaqje Krishtlindjeje për komunitetin.
Shërbejuni të tjerëve në këtë periudhë Krishtlindjeje
Ndiqeni shembullin e Shpëtimtarit dhe gjeni mënyra për të ndriçuar botën me dashuri dhe shërbim gjatë gjithë periudhës së Krishtlindjes.
Veprimtari për Fëmijët
Ndihmojini fëmijët tuaj ta dallojnë historinë e Krishtlindjes dhe të gjejnë gëzim në të, me këto faqe argëtuese për ngjyrosje.
Përtërijeni Shpresën me Anë të Kujtimeve nga e Kaluara
Shihni materiale filmike të koncerteve të kaluara, takimeve shpirtërore, historive frymëzuese dhe muzikës lartësuese të Krishtlindjes.
Karta për Shpërndarje
Kënaquni me këto Karta për Shpërndarje, të përkryera për t’i shpërndarë te miqtë dhe familja që t’i ftoni ata në një ngjarje vendore për Krishtlindje.

Çfarë Domethënie Ka Krishtlindja për Ne

Më shumë se thjesht një traditë ose një festë zyrtare, Krishtlindja është një vërshim gëzimi që vjen nga kremtimi i lindjes së Jezu Krishtit. Ajo është një kohë e shenjtë që anëtarët e Kishës së Jezu Krishtit të Shenjtorëve të Ditëve të Mëvonshme të kujtojnë se Ati ynë Qiellor i do fëmijët e Tij aq shumë sa dërgoi Birin e Tij për të na treguar udhën drejt lumturisë afatgjatë.

Një Çast i Profetizuar prej Kohësh
Ne besojmë se Jezu Krishti u zgjodh nga Perëndia përpara se bota të fillonte, që të ishte Shpëtimtari i cili do të mposhtte mëkatin dhe vdekjen për të gjithë ne. Profetët e Perëndisë, përfshirë Isaian dhe Mikean në Dhiatën e Vjetër, si dhe Almën dhe Samuelin në Librin e Mormonit, i ndihmuan njerëzit ta prisnin me gëzim ardhjen e Shpëtimtarit, përfshirë vizitën e Tij në kontinentin amerikan pas Ringjalljes së Tij.
Një Fillim i Përulur
Në një stallë të thjeshtë, Maria “lindi djalin e saj të parëlindur, e mbështolli me pelena dhe e vendosi në një grazhd, sepse në han nuk kishte vend për ta” (Lluka 2:7). Pak njerëz e dinin se ky ishte Biri i mirëfilltë i Perëndisë, i cili do të jepte shembullin e përsosur të dashurisë dhe përulësisë gjatë gjithë jetës së Tij në vdekshmëri. Ne e kremtojmë lindjen e Tij sot duke e imituar atë shembull.
Një Mesazh Universal Shprese
Natën që u lind Jezu Krishti, engjëjt ua shpallën lindjen e Tij barinjve të përulur, të cilët erdhën ta vizitonin foshnjën. “Dijetarë” më të pasur i sollën dhurata të çmuara pas një udhëtimi të gjatë. Më vonë, gra si gruaja samaritane te pusi dëshmuan për rolin e Tij si Shpëtimtari ynë, dhe Maria Magdalena dëshmoi për Ringjalljen e Tij. Prej fillimit, ndjekja e Jezu Krishtit ka qenë për gjithkënd, pavarësisht nga klasa shoqërore, mosha, gjinia ose raca.
Një Shpëtimtar i Gjallë
Pas lindjes së Tij, Jezu Krishti bëri një jetë pa mëkate. Ai na mësoi si ta ndjekim planin e Perëndisë, kreu mrekulli dhe i shëroi e ngushëlloi të tjerët. Kur erdhi koha që Ai ta përfundonte shërbesën e Tij tokësore, Shpëtimtari vuajti dhe vdiq për mëkatet tona dhe u ringjall nga vdekja në mënyrë që ne të mund të jetojmë me Perëndinë dhe familjet tona përsëri. Ai jeton dhe na do dhe do të kthehet në tokë sërish një ditë.

Vazhdoni ta Studioni Historinë e Krishtlindjes

Shikoni Udhëzuesin e Studimit për Krishtlindjen