Fuqia e Lutjes

Perëndia është Ati juaj i dashur në Qiell. Si fëmija i Tij, ju mund të luteni dhe t’i kërkoni Atij ndihmë dhe udhërrëfim. Ju mund ta përdorni fuqinë e Perëndisë për të gjetur zgjidhje ndaj sfidave në jetën tuaj.

Përvoja me lutjen nga jeta reale

“Mbaj mend që thjesht vetvetiu u gjunjëzova dhe e bëra me zë lutjen time, dhe mora një përgjigje se Perëndia ishte i vërtetë dhe se Ai kujdesej për mua.” “… Një natë ia hapa zemrën Atit Qiellor. I thashë atij se si po ndihesha aq e humbur dhe e pështjelluar në jetën time dhe se doja të dija se ç’duhet të bëja që të isha e lumtur. Pata një ndjesi aq pushtuese dashurie dhe paqeje që më hyri në zemër. Është e vështirë ta shpjegosh me fjalë. I gjithë trupi m’u mbush me një ndjenjë të ngrohtë sikur po merrja një përqafim nga nëna ime. Në këtë çast, kuptova se Ati im Qiellor më donte. Më erdhi mendimi se e dija atë që duhet të bëja. Gjithmonë e kisha ditur se çfarë do të më bënte të lumtur. Duhej të ndiqja shembullin dhe mësimet e Shpëtimtarit tim, Jezu Krishtit. U ktheva në kishë dhe fillova të lexoja nga shkrimet e shenjta, Bibla dhe Libri i Mormonit dhe të lutesha e të flisja me Atin tim në Qiell rreth asaj që më duhej të bëja dhe se çfarë ishte e vërtetë. Që nga ajo kohë jam bërë edhe më e fortë në dëshminë time për fuqinë e lutjes dhe se ne mund të zgjedhim të jemi të lumtur dhe ta ndjekim shembullin e Jezu Krishtit.”

– Kimi

Mësoni se Si të luteni

Dy mënyra për të përfituar më shumë prej lutjes

1. Kërkoni ndihmë

Misionarët janë gati t’ju mësojnë se si të luteni dhe si t’i dalloni përgjigjet e Perëndisë ndaj lutjeve tuaja.

2. Kërkoni te shkrimet e shenjta

Libri i Mormonit, ashtu si Bibla, na mësojnë rreth Perëndisë, lutjes dhe Jezu Krishtit. Teksa e lexoni Librin e Mormonit, ju mund të mësoni se si ta ndërtoni besimin që të mund të merrni nga fuqia e Perëndisë.

Merrni një kopje falas të Librit të Mormonit

Kërkojeni Tani

E Mëparshme

Si të Lutemi

Tjetër