Të Jetuarit e Shëndetshëm

Ju mund ta dini se shenjtorët e ditëve të mëvonshme nuk pinë alkool ose duhan. Por a e dini arsyen?

Kudo në Bibël, Perëndia i kërkoi popullit të Tij të hiqte dorë nga ushqime të caktuara. As në ditët tona nuk është ndryshe. Perëndia ka dhënë këshillë të urtë për t’i ndihmuar të gjithë fëmijët e Tij që të jenë të shëndetshëm. Kjo quhet Fjala e Urtësisë. Ajo përvijon mënyra frymëzuese për ta përmirësuar mirëqenien tonë fizike dhe shpirtërore. Sipas saj, ne këshillohemi të hamë ushqime me vlera ushqyese dhe të shmangim substanca që krijojnë varësi.

Gjërat që “Duhen Bërë” dhe “Nuk Duhen Bërë” sipas Fjalës së Urtësisë

Bëni: Hani fruta dhe perime

“Çdo bimë në stinën e saj dhe çdo frut në stinën e tij; të gjitha për t’u përdorur me maturi dhe falënderim.” (DeB 89:11)

Mos: Pini alkool

“Dhe përsëri, pijet e forta nuk janë për barkun, por për larjen e trupave tuaj.” (DeB 89:7)

Bëni: Hani Mish me Pakicë

“Po, gjithashtu mishin e kafshëve dhe të shpendëve të ajrit, unë, Zoti, e kam shuguruar për përdorimin e njeriut me falënderim; megjithatë ato duhet të përdoren me pakicë.” (DeB 89:12)

Mos: Pini cigare ose duhan

“Dhe përsëri, duhani nuk është për trupin, as për barkun, dhe nuk është i mirë për njeriun.” (DeB 89:8)

Bëni: Bëni rregullisht ushtrime fizike

“Për t’u kujdesur për trupin tuaj, përdorni ushqime me vlera ushqyese, bëni rregullisht ushtrime fizike dhe flini mjaftueshëm.” (Për Forcën e Rinisë)

Mos: Pini kafe ose çaj

“Dhe përsëri, pijet e nxehta nuk janë për trupin apo barkun.” (DeB 89:99)

Bëni: Hani drithëra

“Gjithë drithi shugurohet për përdorimin e njeriut dhe të kafshëve, për t’u bërë burim jete.” (DeB 89:14)

Mos: Përdorni droga të paligjshme ose të abuzoni me ilaçet

“Çdo gjë e dëmshme që njerëzit fusin me qëllim në trupat e tyre, nuk është në harmoni me Fjalën e Urtësisë. Kjo është veçanërisht e vërtetë me drogat e paligjshme.” (Të Vërtetë ndaj Besimit)

Ne nxitemi gjithashtu të flemë mjaftueshëm, të bëjmë rregullisht ushtrime fizike dhe të agjërojmë një herë në muaj – ku heqim dorë nga dy vakte të njëpasnjëshme – që të na ndihmojnë të jemi të shëndetshëm, të ushtrojmë disiplinën dhe të bëhemi më të harmonizuar shpirtërisht.

Bekimet nga të jetuarit sipas Fjalës së Urtësisë

Atyre që e ndjekin këshillën e Perëndisë në Fjalën e Urtësisë, u premtohet se do të marrin shëndet, do të gjejnë urtësi dhe “do të vrapojnë e nuk do të lodhen, dhe do të ecin e nuk do të këputen” (DeB 89:18–20).

Është e mrekullueshme të mendosh se kur u zbulua Fjala e Urtësisë në vitin 1833, bota nuk i kuptonte arsyet shkencore që gjendeshin pas pasojave të gjërave të tilla si dieta, alkooli dhe duhani. Tani, kodi i shëndetit i përshkruar në Fjalën e Urtësisë pranohet gjerësisht madje edhe në rrethet shkencore. Studiuesit kanë treguar herë pas here pasojat negative të pirjes së alkoolit, cigareve dhe përtypjes së duhanit, duke përfshirë sëmundje të tilla si cirroza, pankreatiti dhe shumë lloje kanceri.

Është zbuluar gjithashtu se njerëzit që e zbatojnë Fjalën e Urtësisë, kanë të jetojnë më gjatë. Që nga viti 1980 deri në 2004, Universiteti i Kalifornisë – Los Anxhelos, bëri një studim mbi shenjtorët e ditëve të mëvonshme që i zbatonin udhëzimet për shëndetin në Fjalën e Urtësisë. Rezultatet e studimit 25–vjeçar treguan që ky stil jetese ishte i lidhur me pritshmërinë për një jetë më të gjatë.

Ne nxitemi që të kujdesemi për trupat tanë për shkak se ata janë dhuratë nga Perëndia. Të kuptuarit e kësaj marrëdhënieje ndikon në mënyrën se si kujdesemi për veten.

Kur i trajtojmë trupat tanë si tempuj dhe si dhurata të dhëna nga Perëndia, ne marrim bekime emocionale dhe shpirtërore, të tilla si një marrëdhënie më të ngushtë me Perëndinë dhe një kuptim më të madh për identitetin tonë hyjnor.

Është e qartë se shëndeti fizik dhe mirëqenia shpirtërore qëndrojnë krah për krah. A dëshironi ndihmë për përmirësim të shëndetit tuaj fizik dhe shpirtëror? Organizoni një takim me misionarët tanë. Ata mund t’ju ndihmojnë të përvetësoni mësimet e Fjalës së Urtësisë në mënyrë që të mund të përjetoni bekime më të mëdha në jetën tuaj.

Dëshironi të dini më shumë rreth faktit se nga vjen Fjala e Urtësisë?

Misionarët tanë mund t’jua tregojnë historinë se si ajo iu zbulua një profeti të Perëndisë.

Planifikoni një Takim

Eksploroni më shumë tema

Çfarë Bën Komuniteti i Kishës Tonë?

Kisha nuk është thjesht një vend për të adhuruar Perëndinë, është gjithashtu një vend për t’i shërbyer Atij. Dhe një nga mënyrat më të mira për t’i shërbyer Perëndisë është duke u kujdesur për njerëzit rresh nesh.

Libri i Mormonit

Ashtu si Bibla, Libri i Mormonit është një libër i shkrimeve të shenjta që na mëson për Jezusin. Zbuloni se si mund të vini më pranë Perëndisë duke lexuar prej faqeve të tij.

Krijimi i një Familjeje të Fortë

Krijimi i një familjeje është jashtëzakonisht shpërblyes, por mund të jetë i vështirë, sidomos në botën e sotme. Mësoni se si mund ta forconi familjen tuaj dhe ta mbani atë të përqendruar te Perëndia.