Një profet i Librit të Mormonit, i quajtur Lehi, sheh në ëndërr një vegim që simbolizon udhëtimin tonë të kthimit për te Perëndia. Në vegim, ai çapitet i pasigurt përmes një vendi të shkretë, të errët dhe gjen udhën e vet për te pema e jetës me frutën më të shijshme që ka provuar ndonjëherë. Ai sheh njerëz të tjerë duke përparuar drejt udhës së tyre për te pema përgjatë një shtegu të ngushtë e të ngushtuar. Por disa dalin nga shtegu dhe humbasin ose mbyten. Ai ia tregon ëndrrën familjes së vet dhe u përgjërohet që të ndjekin urdhërimet e Perëndisë.

Mbreti Noe është një sundimtar i lig dhe përtac. Ai zemërohet kur profeti Abinadi i thotë atij dhe popullit që të pendohet dhe t’i drejtohet Perëndisë. Mbreti i urdhëron priftërinjtë e tij ta vrasin Abinadin, por Perëndia e mbron atë. Abinadi thotë se nuk ka rëndësi se çfarë bën mbreti Noe me të, por vetëm pasi mbaron së dhëni mesazhin e Perëndisë. Ai jep mësim për Dhjetë Urdhërimet dhe shpëtimin nëpërmjet Jezu Krishtit, duke e kthyer në besim njërin prej priftërinjve. Abinadin e djegin në turrën e druve, duke e vulosur dëshminë e tij për Jezusin me jetën e vet.

Mbreti Beniamin e mbledh popullin e tij që ta dëgjojnë të predikojë ungjillin e Jezu Krishtit për herë të fundit dhe t’ia japë mbretërinë të birit, Mosias. Mbreti u mëson se kur i shërbejnë njëri‑tjetrit, ata i shërbejnë Perëndisë.

Alma dhe shokët e tij po rebelohen kundër Perëndisë, duke dhënë një shembull të keq dhe duke i larguar pasuesit prej kishës. Një engjëll u shfaqet atyre dhe i urdhëron që të ndalojnë së përpjekuri për ta shkatërruar kishën. Alma është aq i frikësuar sa bie pa ndjenja. Mendja i mundohet prej gjithë mëkateve të tij derisa më në fund sjell në mendje të atin tek e mësonte rreth Jezu Krishtit. Kur zgjohet, ai e kalon pjesën tjetër të jetës së tij duke predikuar dhe duke u përpjekur ta ndreqë dëmin që shkaktoi.

Alma dhe Amuleku predikojnë për Jezu Krishtin, duke i zemëruar udhëheqësit e qytetit të Amonihës. Kur një njeri i regjur i ligjit përpiqet që t’i shtrembërojë fjalët e tyre, ata nuk mundet të mashtrohen. Ata e bindin këtë njeri të ligjit, por futen sidoqoftë në burg. Ata i detyrojnë që të shohin tek besimtarë të tjerë dhe vepra të shenjta digjen. Në burg, Alma dhe Amuleku rrihen e përqeshen për ditë me radhë. Alma i kërkon Perëndisë që t’i çlirojë ata dhe muret e burgut bien duke u përplasur përdhe, duke i vrarë robëruesit e tyre, por duke i lënë të paprekur Almën dhe Amulekun.

Amoni dhe bijtë e Mosias dëshirojnë që çdo njeri të ketë mundësinë për të dëgjuar për ungjillin e Jezu Krishtit, edhe armiqtë e tyre, lamanitët. Amoni kapet rob nga mbreti lamanit, Lamoni. Ai bën kërkesë që të bëhet shërbëtor i Lamonit dhe merr pëlqimin e tij. Tek ruan delet e mbretit, hajdutët sulmojnë dhe Amoni pret çdo krah që ngrihet kundër tij. Shërbëtorët i tregojnë Lamonit dhe ai mendon se Amoni është një perëndi. Amoni e shfrytëzon mundësinë për t’i dhënë mësim rreth Jezusit dhe mbreti i beson fjalët e tij.