Familjet Janë Thelbësore në Planin e Perëndisë

Perëndia e bëri tepër të qartë se familjet janë të rëndësishme kur Ai krijoi Adamin dhe Evën. Bibla e Shenjtë i quan ata “burr[ë] e grua…” (Zanafilla 2:25) dhe urdhërimi i parë që Perëndia u dha atyre, ishte që të bëheshin me fëmijë (shihni te Zanafilla 1:28).

Një varg familjesh qëndrojnë para shtëpive

Qëllimi i Familjeve

Cili është qëllimi i familjes?

Familjet janë thelbësore në planin e Perëndisë për fëmijët e Tij. Ato janë njësia themelore për ndërtimin e shoqërive të forta. Familjet janë vendi ku mund të ndiejmë dashuri e të mësojmë se si t’i duam të tjerët. Jeta është e vështirë dhe ne kemi nevojë për njerëz tek të cilët mund të mbështetemi. Shtëpia është një strehë e sigurt ku mund të marrim dashuri, këshillë dhe përkrahje.

Familja: Një Proklamatë drejtuar Botës

Në vitin 1995, Kisha e Jezu Krishtit e Shenjtorëve të Ditëve të Mëvonshme nxori një deklaratë zyrtare rreth rëndësisë së familjeve. Dokumenti përvijon përgjegjësitë e etërve dhe nënave dhe trajton tema kyç të tilla si martesa, gjinia, prindërimi dhe marrëdhëniet seksuale. Lexojini pjesët spikatëse më poshtë ose lexojeni të gjithë tekstin këtu.

Një familje e re në moshë ecën nëpër një plazh me dy fëmijët e vet

Pjesë të shkëputura nga “Familja: Një Proklamatë drejtuar Botës”

Një çift qëndrojnë bashkë pasi janë martuar në tempull

Martesa

“Martesa midis një burri dhe një gruaje shugurohet nga Perëndia”

Një nënë dhe baba qëndrojnë në një fushë me djalin e tyre të vogël mbi supet e të atit

Familjet e përjetshme

“Plani hyjnor i lumturisë mundëson që marrëdhëniet familjare të vazhdojnë përtej varrit.”

Një çift i ri në moshë që po presin një fëmijë, e përqafojnë bashkërisht [atë në bark]

Marrëdhëniet seksuale

“Perëndia ka urdhëruar që fuqitë e shenjta të krijimit të jetës duhet të përdoren vetëm midis burrit dhe gruas, ligjërisht të martuar si bashkëshort e bashkëshorte.”

Një baba mban të birin ndërsa ecin nëpër një shteg pyjor

Prindërimi

“Prindërit kanë një detyrë të shenjtë për t’i rritur fëmijët e tyre me dashuri dhe drejtësi, për t’ua plotësuar nevojat e tyre fizike dhe shpirtërore dhe për t’i mësuar ata ta duan e t’i shërbejnë njëri-tjetrit.”

Një çift qëndron në një kuzhinë duke shijuar shoqërinë e njëri‑tjetrit

Besnikëria bashkëshortore në martesë

“Fëmijët kanë të drejtën të linden nga prindër brenda lidhjeve të martesës dhe të rriten nga një atë dhe një nënë të cilët i nderojnë me besnikëri të plotë betimet e martesës.”

Një familje ecën nëpër një rrugë me qenin e vet

Përgjegjësitë martesore

“Etërit dhe nënat kanë detyrimin ta ndihmojnë njëri‑tjetrin si partnerë të barabartë.”

Përgjegjshmëria

“Ne paralajmërojmë se individët që i shkelin besëlidhjet e dëlirësisë, që i keqtrajtojnë bashkëshorten apo bashkëshortin ose pasardhësit apo që nuk arrijnë t’i përmbushin përgjegjësitë familjare, do të qëndrojnë një ditë përgjegjës përpara Perëndisë.”

Një familje ecën nëpër një plazh me fëmijët e tyre të vegjël

Forcimi i familjeve

“Ne u bëjmë thirrje qytetarëve dhe zyrtarëve të përgjegjshëm të qeverive kudo që janë, të nxitin ato masa të krijuara për të ruajtur dhe forcuar familjen si njësia themelore e shoqërisë.”

Perëndia është Ati ynë Qiellor

Familja jonë këtu në tokë është e organizuar si familja jonë në qiell. Ashtu siç mund të shkojmë te prindërit tanë për këshilla, Ati ynë Qiellor na gjendet gjithmonë për të na dhënë ndihmë. Kur lutemi, Ai dëgjon dhe Ai jep përgjigje.

“Dhe gjithçka [që] të kërkoni në lutje, duke pa[s]ur besim, do të merrni.” – Mateu 21:22

Perëndia na do kaq shumë. Ai na do edhe kur bëjmë gabime, dhe gjithmonë na fton krahëhapur që të kthehemi tek Ai. Ne arrijmë sadopak ta kuptojmë dashurinë e përkryer të Atit tonë Qiellor për ne nga dashuria e thellë që shumë prindër kanë për fëmijët e tyre. Ne të gjithë mund ta provojmë dashurinë e Atit Qiellor ndërsa afrohemi më shumë me Të, dhe ne mund t’ia shprehim atë dashuri familjeve tona.