Misioni i Jezu Krishtit

Jezu Krishti është Qenia më e madhërishme që u lind në këtë tokë – shembulli ynë i përkryer. Ai është Zoti i zotërve, Krijuesi, Shpëtimtari ynë dhe Ai erdhi në tokë që ne të mund të jetonim përsëri me Perëndinë.

Biri i Perëndisë

Jezusi është i parëlinduri i Perëndisë, Atit, në shpirt dhe fëmija i vetëm i Perëndisë në mish. Nëna e Tij e vdekshme, Maria, e mbajti Atë përpara se ta lindte dhe e rriti ndërkohë që Ai ishte në tokë. Misioni i Tij u vendos përpara se të krijohej bota.

Mrekullitë e Jezusit i bindën shumë njerëz se Ai ishte një profet, por Ai ishte shumë më tepër se kaq. Kur Ai i pyeti dishepujt e Tij: “Kush thoni se jam unë?”, Simon Pjetri u përgjigj: “Ti je Krishti, Biri i Perëndisë të gjallë” (Mateu 16:15–16).

Mësuesi

Jezusi ishte mësuesi më i madh që jetoi ndonjëherë dhe Ai ende na jep mësim neve sot. Në moshën 12–vjeçare, Jezusin e gjetën duke u dhënë mësim dijetarëve në tempull (shih Lluka 2:46). Ata u habitën me njohurinë e Tij. Jezusi vazhdoi të jepte mësim predikime të mëdha gjatë gjithë jetës së Tij.

Jezusi dha mësim se të gjithë njerëzit mund “të kenë jetë e ta kenë me bollëk” (Gjoni 10:10). Pikërisht nëpërmjet besimit te Jezusi dhe bindjes ndaj mësimeve të Tij ne mund të jetojmë me Perëndinë përsëri.

Shembulli

Jezusi jetoi një jetë të përkryer – pa mëkate – dhe siguroi një shembull të përsosur për ne sipas të cilit të jetojmë. Të gjitha gjërat fetare duhet të bëhen në emrin e Tij të shenjtë.

Jezusi nuk kishte nevojë për pagëzimin që të pastrohej nga ndonjë mëkat. Por Ai e bëri që të na tregonte se pagëzimi kërkohet nga të gjithë që të “përmbushim çdo drejtësi” (Mateu 3:15).

Jezusi është gjithashtu shembulli i përsosur i dashurisë. Gjatë jetës së Tij në tokë, Ai u kujdes për të varfrit, shëroi lebrosët (shih Lluka 17:12–19) dhe Ai kurrë nuk i largoi nga vetja fëmijët e vegjël (shih Mateu 19:13–14). Dashuria e Tij është e pafundme dhe në dispozicion të të gjithë atyre që kanë nevojë për të.

Jezusi na mësoi se duhet të falim. Edhe kur vdiq në kryq, Jezusi i fali njerëzit që e vranë Atë.

Shpëtimtari

Emri hebraik i Jezusit është Jeshua, që do të thotë “Shpëtimtar”. Jezusi e përmbushi rolin e Tij si Shpëtimtar nëpërmjet flijimit të Tij të vullnetshëm dhe Ringjalljes së Tij.

Në Kopshtin e Gjetsemanit, Jezusi ndjeu peshën e çdo mëkati dhe dhembjeje që ka njohur njerëzimi. Jezusi vuajti për çdo mëkat të çdo njeriu që ka jetuar ndonjëherë.

E Mëparshme
Jeta e Jezu Krishtit
Tjetër
Roli i Jezu Krishtit

Eksploroni më shumë tema

Fuqia e Lutjes

Perëndia është Ati juaj i dashur në Qiell. Si fëmija i Tij, ju mund të luteni dhe t’i kërkoni Atij ndihmë dhe udhërrëfim. Ju mund ta përdorni fuqinë e Perëndisë për të gjetur zgjidhje ndaj sfidave në jetën tuaj.

Cili Është Qëllimi i Jetës Sime?

Jeta ka qëllim dhe kuptim. Perëndia, Ati ynë i dashur, do që ne të gjejmë lumturi dhe gëzim. Ai krijoi një plan që ne të rritemi, të jetojmë me anë të besimit dhe të kthehemi për të jetuar me Të një ditë. Plani i Perëndisë, shpesh i quajtur plani i shpëtimit, i jep kuptim dhe kontekst jetës sonë këtu në tokë duke u dhënë përgjigje pyetjeve të mëdha: “Nga erdha?”, “Përse jam këtu?” dhe “Çfarë ndodh pasi vdes?”

Çfarë Është Libri i Mormonit?

Leximi i fjalëve të tij mund të na ndihmojë ta kuptojmë qëllimin tonë në jetë, t’u përgjigjemi pyetjeve të rëndësishme dhe të afrohemi më shumë te Jezu Krishti.

Si Funksionojnë së Bashku Bibla dhe Libri i Mormonit

Që të dy librat mund t’ju ndihmojnë të afroheni më shumë me Jezu Krishtin dhe të mësoni më shumë rreth ungjillit të Tij.