Çfarë të Prisni nga një Mësim me Misionarët
Misionarët do të japin një mesazh frymëzues, do t’u përgjigjen pyetjeve dhe do t’ju ndihmojnë të mësoni se si të afroheni më shumë me Perëndinë.
Ata do të gjejnë një kohë dhe vend që ju shkon për shtat juve
Ju mund të takoheni në shtëpinë tuaj, në një vend publik ose në mënyrë virtuale me anë të një lidhjeje telefonike ose me video. Ndihuni të lirë të bëni që një mik ose mikeshë, një pjesëtar/e i/e familjes ose e gjithë familja t’ju bashkohen. Gjithkush është i mirëpritur! Vizitat zakonisht zgjasin 15–45 minuta.
Ata do të fillojmë me një lutje
Zakonisht, misionarët do të kërkojnë të nisni me një lutje. Synimi është të ftohet Shpirti i Shenjtë që të jetë pjesë e bashkëbisedimit. Ata gjithashtu do t’ju dorëzojnë sakaq cilëtdo artikuj (si një Libër Mormoni ose Bibël), nëse bëtë kërkesë që përpara për ndonjë gjë.
Ata do të njihen me ju
Ashtu sikurse ju nëse do të takonit një person të ri, do të bënit pyetje për ta njohur atë. Misionarët do të bëjnë të njëjtën gjë. Tregojuni atyre për familjen tuaj, punën tuaj, hobet tuaja dhe për çdo gjë tjetër që do të donit të flisnit. A keni pasur ndonjë vështirësi me besimin apo përvoja të rënda në jetën tuaj? Misionarët mund t’ju ndihmojnë që në çdo rrethanë, të gjeni paqe dhe të mësoni se si të bëheni më të afërt me Perëndinë.
Misionarët gjithashtu janë të lumtur t’ju tregojnë rreth përvojave të tyre të jetës: nga janë, rreth familjes së tyre apo rreth planeve të tyre për të ardhmen pasi misioni i tyre të ketë përfunduar. Ata janë secili një individ i veçantë me prejardhje kulturore dhe rrethana unike, të bashkuar në dashurinë e tyre për Jezu Krishtin.
Ata do të japin një mesazh frymëzues
Misionarët do të japin një mesazh shprese dhe paqeje. Në disa raste, mund të keni kërkuar tashmë që të diskutoni për një temë specifike dhe ata do të përqendrohen pikërisht tek ajo. Nëse nuk keni bërë kërkesë për një temë specifike, disa shembuj të asaj për të cilën mund të flasin ata, do të jenë një mesazh rreth Perëndisë dhe dashurisë së Tij për ju, mënyra se si familjet mund të jenë së bashku përgjithmonë apo rëndësia e lutjes. Si pjesë të mesazhit të tyre, ata mund të lexojnë shkrime të shenjta nga Libri i Mormonit, një tjetër libër i shenjtë që na mëson rreth Jezusit.
Ata do t’ju përgjigjen pyetjeve tuaja
Ndërsa flisni me misionarët, jeni të ftuar të bëni çdo pyetje që mund të keni. Qoftë nëse keni pyetje madhore rreth qëllimit të jetës, apo pyetje të posaçme rreth Kishës së Jezu Krishtit të Shenjtorëve të Ditëve të Mëvonshme, misionarët do t’u përgjigjen me gëzim sa më mirë të munden dhe mund të përdorin shkrime të shenjta, materiale filmike ose materiale të tjera për të ndihmuar. Ne nuk pretendojmë se misionarët kanë përgjigje për çdo pyetje, por ata vërtet që kanë disa mjete që mund t’ju ndihmojnë ju t’i gjeni përgjigjet dhe të afroheni më shumë me Perëndinë.
Dëgjojini Përvojat e të Tjerëve
Allisoni
“Kur po merrja mësimet nga misionaret, më kujtohet që isha përherë e emocionuar të vinin dhe të më mësonin diçka të re. E ndjeva se ato vërtet kujdeseshin për mua dhe donin sinqerisht të më ndihmonin ta ndryshoja për më mirë jetën time në të gjitha drejtimet.”
San‑Diego, Kaliforni
Nejda
“Misionarët e parë që më trokitën në derë, patën durimin dhe dhembshurinë të merreshin me armiqësinë time të turpshme. Ata dhanë dëshmitë e tyre dhe falë besimit e këmbënguljes së tyre, qeshë në gjendje ta ndieja dashurinë e Perëndisë për mua dhe familjen time. Pas shumë mësimesh mbi planin e shpëtimit, ne e pranuam ungjillin dhe ai na ndryshoi jetën.”
Porto‑Riko
Ashlini
“Sa herë takohemi me misionarët, ata janë plot emocion për të folur për ungjillin dhe kanë një dëshirë të sinqertë për t’i ndihmuar të tjerët.”
Hërikejn, Jutë
Karlosi
“Misionarët më shërbyen duke më ndihmuar që të mësoj më shumë rreth Shpëtimtarit tonë Jezu Krisht.”
Arlington, Virxhinia
Shiami
“Shumë njerëz thonë se ishte njësoj si të takoje engjëj, dhe për të qenë i sinqertë, në një mënyrë ashtu është ndjenja. Për mua përfshiu shumë më tepër sesa thjesht të takoje engjëj; ajo përvojë do të thoshte se një ditë unë do të shërbeja një mision besnik, unë do të isha një qytetar i përgjegjshëm në vendin tim, … dhe unë do t’i shërbej komunitetit tim. Kjo ishte ajo çfarë bënë për mua ato vizitat e para të misionarëve.”
Nju‑Delhi, Indi
Ata do t’ju pyesin nëse mund t’ju takojnë përsëri
Misionarët shpresojnë të japin një mesazh që do t’ju frymëzojë dhe që ju do të doni të takoheni sërish me ta. Takimet e tjera do të ndjekin të njëjtin format: ata do të fillojnë me një lutje dhe do t’ju mësojnë më shumë rreth Biblës, Librit të Mormonit, besimit, pendimit dhe doktrinave të tjera kyç të ungjillit të Jezu Krishtit. Nëse nuk jeni të interesuar për të pasur një takim tjetër, askush nuk ju vë nën trysni! Misionarët do ta respektojnë gjithnjë kohën tuaj dhe dëshirën tuaj për t’u takuar ose jo me ta përsëri.
