Jeta Ka Qëllim dhe Kuptim
Perëndia ka një plan për secilin prej nesh. Ai e krijoi këtë tokë dhe na dërgoi këtu që ne të mund të kemi besim dhe të gjejmë gëzim. Sfidat tona na ndihmojnë të rritemi dhe na përgatitin të jetojmë përsëri me Të.
Bëjuni Ballë Sprovave nëpërmjet Hirit të Tij
Hiri i Jezusit është i pakufishëm dhe po ashtu janë edhe mënyrat se si mund të na vijë në ndihmë në jetën tonë. Qoftë nëse bëhet fjalë për varësi, shkurorëzim, keqtrajtim apo për një numër çfarëdo sfidash, mjete hyjnore ndihme dhe force janë në dispozicion për të gjithë ne.
Hidhërimi që shoqëron humbjen e një njeriu të dashur, është po aq i pashmangshëm sa vetë vdekja. Përjetimi i zisë është një proces i dhembshëm, por mbështetja te Perëndia dhe te njerëzit përreth jush mund t’ju ndihmojë ta kaloni atë.
“Drogat të sjellin kaq shumë traumë në familje, shumë kohë përpara humbjes së atij njeriu të dashur. Është thjesht e shëmtuar dhe të lë me vragë”, – thotë Shona, djali i së cilës filloi të eksperimentonte me drogat kur ishte veç 13 vjeç. Në vitet pas vdekjes së tij, ajo dhe familja e saj kanë gjetur paqe me ndihmën e këshilluesve profesionistë dhe të një përqendrimi te besimi.
A e keni ndier ndonjëherë barrën e hidhërimit apo të turpit? Ose ndjenjat e dëshpërimit dhe mungesës së shpresës që vijnë nga bërja e zgjedhjeve të dobëta? Kelli po, i ka ndier. Ishte e humbur. Kishte varësi nga droga, ishte një prostitutë dhe e paaftë për t’u kujdesur për fëmijët e saj. Ndonjëherë ajo as nuk ndihej njeri. Dhe ajo që i mbeti, ishte një ndjenjë frike, terrori dhe vetmie absolute.
Keni u rrit nga një nënë besimtare, e cila e donte Perëndinë dhe i donte njerëzit. Por kur ishte 13 vjeç, Keni vendosi të ndalonte së shkuari në kishë dhe ta linte pas Perëndinë. Ai donte të bënte gjërat që do t’i sillnin mirëqenie, mbrojtje dhe pozitë të menjëhershme. Standardet që i kishte mësuar e ëma, vërtet që nuk kishin më rëndësi.
A do të largohet ndonjëherë trauma emocionale? Trajtimi i saj me një këshillues profesionist, lutjet drejtuar Perëndisë dhe bisedat me miq të mirëbesuar mund ta lehtësojnë një pjesë të dhimbjes. Në këtë material filmik, Britënia tregon përvojën që ka pasur me hirin e Perëndisë dhe traumën e saj emocionale.
A ndiheni ndonjëherë sikur nuk jeni mjaft të mirë për Perëndinë apo dikë tjetër? Ka mundësi që të jeni ndeshur me maninë e përsosurisë. Kjo spirale e tatëpjetë e të menduarit që “nëse s’jam i përsosur, atëherë duhet të jem i keq”, është e dhimbshme. Por qoftë nëse e dini apo jo, hiri i Perëndisë i prek të gjithë – edhe ata me maninë e përsosurisë.
Broku punonte fort për të mbajtur familjen e tij. Dhe kur karriera i eci, ai u ndje sikur e kishte gjithçka në dorë në jetë deri ditën kur makinën në të cilën ndodhej, e goditi një kamion i madh. Brenda një çasti, jeta e tij ndryshoi ndjeshëm, duke e bërë që të pyeste veten se përse njerëzve të mirë iu ndodhin gjëra të këqija.
Kapërcimi i Sfidave
Ne të gjithë përjetojmë sfidat tona unike, por nëpërmjet Jezu Krishtit, ne mund t’i durojmë dhe t’i kapërcejmë ato me besim.
