Libri i Mormonit
Libri i Mormonit ka si mjedis kontinentin e lashtë amerikan dhe, njësoj si Bibla, u shkrua nga pasues të Jezu Krishtit. Ai na e mëson ungjillin e Tij dhe dëshmon për Të. Teksa i jetoni mësimet që gjenden në Librin e Mormonit, ju mund të gjeni paqe dhe të vërtetën.
Zbulojeni Ç’Ka Brenda
Dëgjoni njerëz realë që e kanë gjetur Librin e Mormonit dhe shihni ndikimin që ka pasur ai në jetën e tyre.
Si specialiste fizioterapie, Amelia gjen paqe kur jep një dorë ndihmëse. Libri i Mormonit i mëson asaj se shërbimi i vet shtrihet mjaft përtej atyre që ka nën kujdesin e saj. Ai i mëson asaj se sa herë i shërben dikujt tjetër, ajo tregon dashurinë e saj për Perëndinë.
Kërkimi për lumturi i Xhared Danklit, e la shpesh me një ndjesi mospërmbushjeje. Kur iu drejtua fjalëve të Jezu Krishtit në Librin e Mormonit, ai tha: “E vura re shumë shpejt që fillova të ndihesha i lumtur”. Sot, Libri i Mormonit i jep paqe e udhërrëfim atij dhe familjes së tij.
Duhet stërvitje dhe shumë punë e zellshme për të shkëlqyer në regbi. Por për Uillin, forca fizike nuk është gjithçka. Libri i Mormonit i mëson atij si ta kthejë dobësinë e tij vetjake në forcë karakteri dhe i tregon se si të bëhet personi që dëshiron të bëhet.
Stivi dhe Uitni kanë në mend një synim shumë të rëndësishëm: të kenë një familje të lumtur në botën e sotme. Nëpërmjet Librit të Mormonit, ata gjejnë frymëzim, inkurajim dhe udhërrëfim për të ngritur një familje të lumtur dhe mbajtur atë.
Shakilli është një atlet i rangut botëror, por ndonjëherë ai ka nevojë për një lloj tjetër trajnimi. Ai e gjeti Librin e Mormonit dhe të vërtetat që ai përmban, kur ishte student në universitet dhe është mbështetur tek udhërrëfimi i Librit të Mormonit që nga ajo kohë.
Kur familja e saj u përball me një sërë sfidash të rënda, Xhuliana u ndie e vetmuar dhe pa ndonjë drejtim. Por nëpërmjet Librit të Mormonit, ajo gjeti forcën për ta udhëhequr familjen e saj përgjatë kohëve të vështira.
Si Mund t’ju Ndihmojë Libri i Mormonit
Ashtu si Bibla, Libri i Mormonit na mëson të vërteta dhe parime të rëndësishme për të jetuar një jetë të lumtur.
