Shërbesat e së Dielës

Kisha është një strehë nga rrëmuja e jetës së përditshme. Frekuentimi në shërbesat kishtare na jep kohë për t’u përqendruar tek adhurimi i Perëndisë dhe dashuria për njerëzit rreth nesh. Është një rimbushje shpirtërore dhe një mënyrë e përsosur për të na ndihmuar ta kemi Jezusin para nesh dhe qendrën e jetës sonë.

Oraret dhe programet e shërbesës në kishë ndryshojnë nga bashkësia në bashkësi. Sidoqoftë, ju mund të mbështeteni gjithmonë në një format të ngjashëm – një mbledhje kryesore për cilindo dhe një klasë tjetër të ndarë sipas grupmoshave ose interesave të përgjithshme.

Ejani të frekuentoni një shërbesë në kishë. Të gjithë vizitorët janë të mirëpritur!
Gjejeni një Kishë Pranë Jush

Mbledhja e sakramentit

Mbledhja kryesore për cilindo quhet mbledhje sakramenti. Kjo mbledhje përbëhet nga këngë, lutje dhe predikime (ose “biseda”) që jepen nga anëtarë të ndryshëm të bashkësisë çdo javë. Por pjesa më e rëndësishme e mbledhjes është koha kur marrim sakramentin (ose kungimin).

Më shumë rreth sakramentit

Muzika dhe himnet

Këngët për Shpëtimtarin dhe bekimet tona të shumta na ndihmojnë ta ndiejmë më pranë Perëndinë. Një mbledhje karakteristike sakramenti do të ketë tri deri në katër himne që këndohen nga e gjithë bashkësia. Mund të ketë edhe numra shtesë muzikorë nga kori ose një grup i vogël apo një solist. Ju mund t’i njihni disa nga himnet si “Më Pran’, Per’ndi, tek Ti” dhe “Sa i Madh Je Ti” por ju do të mësoni edhe disa himne të reja. Dhe nuk ka problem nëse stononi! Sidoqoftë ngrijeni zërin ndërsa adhuroni me ne!

Dëshmimi ndaj njëri-tjetrit

Të dielën e parë të çdo muaji, nuk ka predikime si zakonisht. Në vend të kësaj, çdo anëtar i bashkësisë, mund të dalë në foltore dhe t’i shprehë ndjenjat e tij ose të saj rreth ungjillit. Ndërsa i dëgjojmë përvojat e të tjerëve dhe e ndiejmë Shpirtin e Perëndisë të na mbushë zemrat, bindjet dhe besimet tona vetjake mund të forcohen.

Orët mësimore të së dielës

Ose përpara ose pas mbledhjes së sakramentit ka një larmi orësh mësimore të tjera sipas grupmoshës për fëmijët dhe të rriturit. Nëse do të doni t’i frekuentoni këto mbledhje të tjera, pyeteni dikë në kishë dhe ata do të jenë të lumtur t’ju ndihmojnë për ta gjetur klasën e duhur.

E Mëparshme
Takohuni me Misionarët
Tjetër
Ajo që Mund të Prisni në një Shërbesë Kishe

Eksploroni më shumë tema

Çfarë na Mëson Bibla e Shenjtë?

Bibla e Shenjtë na mëson se gjatë gjithë historisë, dashuria e Perëndisë për fëmijët e Tij nuk reshti kurrë.

Jezusi në Librin e Mormonit

Jezusi e kaloi jetën e Tij në vdekshmëri pranë Jerusalemit, duke u mësuar judenjve ungjillin e Tij. Gjithsesi, Jezusi u dha mësim edhe njerëzve në toka të tjera: në kontinentin amerikan. Ajo vizitë ishte jetëndryshuese për ta në atë kohë. Njohuria për atë vizitë mund të jetë po aq domethënëse për ju sot.

Si Funksionojnë së Bashku Bibla dhe Libri i Mormonit

Që të dy librat mund t’ju ndihmojnë të afroheni më shumë me Jezu Krishtin dhe të mësoni më shumë rreth ungjillit të Tij.

Çfarë Është Libri i Mormonit?

Libri i Mormonit është një dëshmi tjetër e Jezu Krishtit.

Si ta Gjej për Vete Kishën e Duhur të Krishterë?

Kur kërkoni një Kishë, është e dobishme të mendoni rreth asaj që kanë dhënë mësim Jezusi e apostujt dhe profetët e Tij.

Cili është qëllimi i jetës?

Jeta ka qëllim dhe kuptim. Perëndia, Ati ynë i dashur, do që ne të gjejmë lumturi dhe gëzim. Ai krijoi një plan që ne të rritemi, të jetojmë me anë të besimit dhe të kthehemi për të jetuar me Të një ditë.